Þjónustutilboðum er raðað eftir stafrófsröð, án tillits til hver rekur það og hvar það er staðsett á landinu.

1717
Hjálparsími Rauða krossins 1717 er gjaldfrjáls sími sem er opinn allan sólarhringinn fyrir þá sem þurfa á aðstoð að halda vegna kvíða, þunglyndis, depurðar, efnahagsáhyggna eða sjálfsvígshugsana. Hjálparsíminn 1717 gegnir því hlutverki að veita ráðgjöf til fólks á öllum aldri sem óskar eftir stuðningi.
Heimasíða: Rauði krossinn

Björgin
Staðsetning: Suðurgata 12 og 15,  Reykjanesbæ. Sími 421-6744
Björgin - Geðræktarmiðstöð Suðurnesja er endurhæfingar-úrræði fyrir fólk með geðheilsuvanda. Endurhæfingin er einstaklingsbundin og er helsta markmið hennar að hjálpa einstaklingum til sjálfshjálpar.
Heimasíða: Björgin
Tölvupóstfang: bjorgin(hja)bjorgin.is 

Dvöl
Staðsetning: Reynihvammur 43, Kópavogi. Sími 554-1260.
Gestir koma í athvarfið á eigin forsendum eða með stuðningi annarra og njóta þeirrar þjónustu sem í boði er. Áhersla er lögð á að efla sjálfstæði og virkni gestanna, en jafnhliða eru gestir aðstoðaðir við að leita nýrra leiða, sé þess óskað. Dvöl er athvarf en ekki meðferðarstofnun þar sem gestir og aðstandendur geta fengið góð ráð hjá starfsmönnum ef þeir óska þess.
Heimasíða: Dvöl
Tölvupóstur: dvol(hja)redcross.is

Félagsmiðstöð Geðhjálpar 
Staðsetning: Túngata 7, Reykjavík. Sími 570-1400
Félagsmiðstöðin er opin alla virka daga frá kl 9-14. Þar er boðið upp á aðgang að tölvuveri, billjard, listsmiðju, bókasafni og hljóðfæri.
Hjá Geðhjálp starfar umsjónarmaður félagsmiðstöðvar en hlutverk hans er að virkja notendur til virkni. Hlustað er eftir áhuga og getu hvers og eins, en þeir sem hafa áhuga á að komast í einhvers konar virkni geta haft samband við umsjónarmann og í sameiningu eru fundin raunhæf markmið fyrir viðkomandi. Virkni notenda er einnig leiðarljós þegar kemur að því að skipuleggja starfið, þar sem leitast er við að virkja notendur Geðhjálpar til að koma með hugmyndir um dagskrá og þá virkni sem boðið er upp á hverju sinni. 
Heimasíða: Félagsmiðstöð Geðhjálpar

Fjölmennt
Staðsetning: Borgartún 22, Reykjavík. Sími 511-1300.
Námstilboð fyrir einstaklinga með geðraskanir. Fjölmennt er miðstöð símenntunar sem þjónar fötluðu fólki 20 ára og eldra.
Hlutverk Fjölmenntar byggist á markmiðsgrein skipulagsskrár (3. gr.), og einnig á alþjóðlegum samþykktum, svo sem Grunnviðmiðum Sameinuðu þjóðanna, Salamanca-yfirlýsingunni (einkum gr. 56 og 57) og markmiðsgrein gildandi laga um málefni fatlaðra. Fjölmennt býður fjölþætta símenntun og ráðgjöf í þeim tilgangi að auka lífsgæði og almenna lífsleikni
Heimasíða: Fjölmennt 

Geðverndarfélag Íslands 
Staðsetning: Hátún 10, Reykjavík. Sími: 5525508, og Álfaland 15, s: 568-7139.
Endurhæfing geðsjúkra og fræðslustarfsemi. Tvö sambýli eru rekin á vegum Geðverndarfélagsins ásamt endurhæfingarstöð að Álfalandi 15 og Hátúni 10. 
Tölvupóstur: ehst(hja)mmedis.is

Hlutverkasetur.
Staðsetning: Laugavegur 26 (Grettisgötumegin), Reykjavík. Sími: 517-3471.
Starfsfólk Hlutverkaseturs veitir hvatningu og stuðning í gegnum samveru, samskipti og sameiginleg verkefni til að aðlagast breyttum aðstæðum. Í Hlutverkasetrinu starfa m.a. iðjuþjálfar ásamt einstaklingum sem hafa mikla lífsreynslu og sjálfboðaliðar í mannrækt.
Heimasíða: Hlutverkasetur

Hugarafl 
Staðsetning: Álfabakki 16, Reykjavík. Sími: 414-1550.
Stofnað í júní 2003 af notendum í bata, sem átt hafa við geðræna erfiðleika að stríða og iðjuþjálfum með víðtæka reynslu af geðheilbrigðismálum. Hugarafl starfar samkvæmt hugmyndafræði valdeflingar(empowerment) og öll vinna fer fram á jafningjagrundvelli. Markmið Hugarafls er að vinna að verkefnum sem geta bætt geðheilbrigðisþjónustu, miðla notendasýn, vinna að verðmætasköpun, skapa hlutverk og vinna gegn fordómum með sýnileika og stuðla að atvinnusköpun með því að þróa þjónustu út frá reynslu notenda.
Heimasíða: Hugarafl
Tölvupóstur: hugarafl(hja)hugarafl.is

HVER
Kirkjubraut 1, Akranesi, sími 431-2040
Tölvupóstur: hver(hja)akranes.is 

Klúbburinn Geysir 
Staðsetning: Skipholt 29, Reykjavik. Sími 551-5166. Opnunartími er frá 8:30 til 16:00.
Klúbburinn Geysir starfar eftir hugmyndafræði Fountain House sem byggir á markvissri uppbyggingu á hæfileikum og getu einstaklingsins. Við trúum því að með því að gefa hverjum félaga tækifæri á því að nýta sínar sterkustu hliðar, séum við að þjálfa viðkomandi til fjölbreyttrar þátttöku í samfélaginu.
Heimasíða: Geysir

Klúbburinn Strókur
Staðsetning: Stekkholti 22, Selfossi. Félagar hittast á á miðvikudögum kl.12:30 í húsnæði Stróksins.
Strókur er klúbbur fyrir fólk með geðræna sjúkdóma og er byggður upp á sama hátt og klúbburinn Geysir í Reykjavík. Hugmyndafræði klúbbsins má lesa á heimasíðu Geysis . Annars er hugmyndafræðin í stuttu máli sú að fólk er frjálst að ganga í klúbbinn og ræður hversu virkt það er. Starfsemin er þannig að það er vinnumiðaður dagur, þar sem fólk fær verkefni eftir þeirra þörfum og getu. Það er einblínt á það hvað fólk getur en ekki á það sem það getur ekki.
Heimasíða: Strókur (ekki eiginleg heimasíða heldur upplýsingar um starfsemi Stróks)

Kompan
Staðsetning: Lyngás 12, Egilsstöðum. Sími 471 1875
Athvarf fyrir einstaklinga með geðraskanir.
Heimasíða: Kompan 
Tölvupóstur: kompuna(hja)simnet.is 

Laut
Staðsetning: Brekkugata 34, Akureyri, sími 462-6632.
Laut er fyrir þá sem finna ef til vill fyrir einmanaleika og einangrun, langar að hafa eitthvað fyrir stafni, sinna áhugamálum sínum eða bara komast í góðan félagsskap
Heimasíða: Laut
Tölvupóstur: laut(hja)simnet.is

Lækur
Staðsetning: Hörðuvellir 1, Hafnarfirði, simi 566-8600.
Markmið með starfseminni er að auka lífsgæði og efla andlega, líkamlega og félagslega vellíðan svo og hæfni í daglegri virkni.
Heimasíða: Lækur
Tölvupóstur: laekur(hja)redcross.is

Menntasmiðjan Akureyri 
Staðsetning: Skólastíg 2, Akureyri, sími 460-1233.
Boðið upp á nám í lífsleikni þar sem byggt er á hugmyndafræði lýðháskólanna á Norðurlöndum um þríþætt nám þ.e. sjálfsstyrkingu, sköpun og hagnýta þætti. Áhersla er lögð á samþættingu námsþátta og námið í heild lagað að þörfum námshópsins hverju sinni. Nemendur hafa alltaf tillögu- og umræðurétt þegar fjallað er um hvað eigi að vera á dagskrá hverju sinni og taka þannig þátt í mótun og þróun námsins
Heimasíða: Menntasmiðjan
Tölvupóstur: Fyrirspurnir

Setrið
Staðsetning: Héðinsbraut 6, Húsavík, sími 464-1740 
Geðræktarmiðstöð.
Heimasíða: Setrið
Tölvupóstur: Fyrirspurnir

Sjónarhóll 
Staðsetning: Háaleitisbraut 11-13, Reykjavík. Sími: 535-1900
Að Sjónarhóli- ráðgjafarmiðstöð standa eftirfarandi samtök: ADHD samtökin, Landssamtökin Þroskahjálp, Styrktarfélag lamaðra og fatlaðra og Umhyggja, félag til stuðnings langveikum börnum.
Með stofnun Sjónarhóls rættist margra ára draumur um faglega og óháða ráðgjöf fyrir aðstandendur barna sem eiga við langvarandi veikindi og fötlun að stríða. Sjónarhóll verður miðpunktur þjónustu á þessu sviði, þekkingartorg þar sem hægt verður að finna á einum stað yfirgripsmikla vitneskju og reynslu sem hingað til hefur verið dreifð um borg og bæi.
Heimasíða: Sjónarhóll

Vin
Staðsetning: Hverfisgata 47, Reykjavík. Sími 561-2612
Vin er athvarf fyrir fólk með geðraskanir, rekið af Rauða krossi Íslands. Markmiðið er að rjúfa félagslega einangrun, draga úr endurinnlögnum á geðdeildir, efla þekkingu okkar og annara á málefnum geðsjúkra og skapa umhverfi þar sem gagnkvæm virðing og traust ríkir og tekið er tillit til hvers og eins.
Heimasíða: Vin
Tölvupóstur: vin(hja)redcross.is