Þegar barn er þjakað af geðröskun setur það ávallt mark sitt á fjölskyldulíf þess. Varnarleysi barnanna gagnvart veikindum af þessum toga hefur íþyngjandi áhrif á þá sem að því standa.

Langflestir foreldrar sem eignast barn sem þarf mikinn stuðning ætla sér að standa sig. Þau breyta um áherslur í lífinu og lífið fer að snúast um veika barnið. Barnið þarf á umönnun að halda, jafnvel allan sólarhringinn og í allri umhyggjunni gleyma foreldrar að rækta sig sjálf og jafnvel önnur börn í fjölskyldunni. Til að foreldrar og systkini haldi heilsu er mikilvægt að þau fái tíma til að sinna eigin þörfum og löngunum.

Vakin er athygli á greininni aðrir fjölskyldumeðlimir en þar má lesa nánar um hverju getur verið gott að huga að.

Kerfið býður upp á ýmis úrræði til að hvíla börn og foreldra. Ekki eru þessi úrræði alltaf auðsótt en mikilvægt er að falast eftir þeim til að gefa barninu frí sem og aðstandendum þess.